Mr. Lito Terol - Member’s
Maayong adlaw natong tanan, nanghina-ot kong anaa kita kanunay sa kadasig sa atong tagsa-tagsa ka kinabuhi bisan paman sa kadaghan sa pag-suway nga atong naagi-an. Ang importante nga mosalig lang gyud kita sa Ginoo.
Sa dili pa di-an nako sugdan ang akong estorya sa akong kinabuha, magpa-ila diay ko, ako si Lito Terol, ksamtangan natrabaho sa King’s Quality Foods sulod sa 16 ka tuig, ug regular member sa King’s Multi-purpose Cooperative (KMPC) sulod sa 16 pud ka tuig.
Akong i-share kung unsa ka dako ang tabang sa KMPC sa akong pamilya. Ang pinaka-una nakong na avail sa loan last 2008 na CS akong wife at that time, so ang gihimo nako kay dili paman kaabot sa amount ng need sa ospital nang huwam kos akong igsuon dayon pag-abot sa panahon nga kaabot na ibayad akong loan ni avail dayon ko sa KMPC.
Ang among kinabuhi sa akong pamilya nag-sige rami ug renta ug balay sulod sa 18 years, pero nangandoy mis akong wife nga makabalay jud ug among kaugalingon para’s among mga anak mao to ang among gibuhat mag-loan mi sa KMPC dayon among i-savings para sa among gipangandoy kaugalingon balay ug number 1 mangayo mig guidance sa Ginoo paras among mga pangandoy uban sa among mga anak.
Ug tungod sa KMPC last 2021 nakabalay jud mig among kaugalingon ug gihatag jud sa Ginoo among gipandoy.